Azadlıq Heykəli (rəsmən Dünyanı İşıqlandıran Azadlıq) 1886 ildə Birləşmiş Ştatlara Fransa tərəfindən bəxş edilmişdir, tuncdandır. Heykəltəraş - F. Bartoldi, memar - R. M. Xant. Nyu-York Limanının Liberti adasında yerləşir. YUNESKO-nun Ümumdünya İrsi siyahısındadır. Heykəlin hündrürlüyü (pyedestalsız) 46 metrdir. Heykəl azadlığı simvollaşdıran və məşəli tutan qadını təsvir edir. Onun sol əlində ABŞ-ın İstiqlaliyyət Bəyannaməsidir. Pyedestalında şairə Emma Lazarusun "Yeni nəhəng" sonetindən bir neçə sətir vurulmuşdur. 1924 il oktyabrın 15-də heykəl milli abidə elan edilmişdir.
Heykəl küləyədavamlıdır. Nyu-York sakinləri onu bəzən Miss Liberti adlandırırlar.
Heykəlin yuxarı (tac) hissəsi 2001-ci ilin 11 sentyabr hadisələrindən sonra turistlər üçün bağlanmışdır. Lakin son günlərdə bu hissənin yenidən turistlər üçün açıq elan olunacağı bildirilib.
